في أول بولق لي أحب اسولف لكم عن رحلتي حق ألمانيا

خاطري أفوشر عليكم شوي .. خخخخخخخخ

المهـــــــــــــــم

عاد قبل لا نسافر كانو الناس يمدحونها ويقولون ألمانيا حلوة ومادري شنو ... عاد قالت الوالدة الله يخليها لنا هي وابوي بعد

نبي نجــوفها

وطبعاً انا كنت محتجه .. على بالي ألمانيا موب حلوة (( وخصوصا ان اسم الديرة ما يشجع)) ..

وبعد أذكر من زماااان سامعه ان اغلب شعبها يحششون

وعقب مناقشات حاده .. قالت لي امي انتي بتمشين ورانا مثل الغنمه  .. مالج لا كلمه ولا راي

وحان وقت السفر

ركبنا الطيارة وكان انصدم ان الطياره مافيها تلفزيون !!!  شلوووووووووووووون يعني بنقعد 6 ساعات ولا عندنا شي نشغل روحنا فيه

ومن القهر خذيت البرنوص وتلحفت فيه ورقدت وماقعدت الا قبل لا تحط تحط الطيارة بساعتين او اكثر

 وما ارتحت الا يوم وصلنا مطار فرانكفورت .. ذاك المطار الكشـــخه (( شغل عدل))

واول ما وصلنا على طول ركبنا بالتكسي علشان نروح محطة القطار

وركبنا القطار وكانت المسافة تاخذ اربع ساعات من محطة فرانكفورت لي محطة بريمين

وكان نركب القطار وعقب 5 دقايق وقف القطار بمحطة .. الا يقولنا ابوي ترانا وصلنا يلا نزلوا

ونزلنا وحطينا اغراضنا ومشا القطار .. اتلفتنا يمين يسار .. المحطة خـــاليــه حتى مافيها قطو واحد

ويوم شفنا اللافته عسى طلعت غير المحطة المفروض نروح لها

ويوم سالنا الاستعلامات قالو لنا لازم تنطرون ساعة كامله لين يجي قطار ويقطكم المحطه الي تبونها

و الحمدلله وصل القطار الثاني .. ووصلنا محطة بريمين بعد اربع ساعات بالقطار

وحسيت براحه نفسيه .. وقلت الحمدلله وصلنا قبل لا يظلم علينا الوقت

و اول ما طلعنا من المحطه الا الفندق الي بنسكنه بويهنا .. رحنا له مشي واحنا نسحب شناطنا .. وكل شنطه تقول للثانية انا اثقل منج

وهاذي صورة المحطه من برا

ووصلنا الفندق

و اول ما دخلنا شفنا ناس من البحرين والسعوديه ما قصروا علومنا وين مكان السوق وو المطاعم الحلوة والحدايق .. و إلخ

وللأسف في اليوم الي وصلنا فيه كان يوم السبت يعني كلشي مسكر .. لكن في ناس قالولنا بكره الي هو يوم الاحد في سوق يفتح .. اسمه ((سوق الاحد))

عاد احنا استانسنا عبالنا فيه اشيا عدله .. عساه طلع هالسوق اخو سوق ((الخميس)) .. ناس قاعده على الارض وتبيع

واغلب بضاعتهم تحسها مسروقه

المهم بعد ما شفت هالسوق صادني احباط ... وقلت بخاطري هذا من اول يوم حسيت بملل عيل لي كملنا اسبوع

وش بسوي

بعد مارجعنا الفندق ولقينا ربعنا .. قالو لنا اذا تبون تستانسون روحوا الحديقة

بكمل بعدين ... تعبت

يلا see you

 【ツ】mY PlaY LiSt【ツ】

  

ورحنا الحديقة وكان نشوف هالنماظر الي تهبل .. صدق من قال ان الاجانب جنتهم بدنيتهم .. إن شاء الله حنا لنا الاخرة يا رب

ودلونا على مكانها .. وقالو لنا امشو سيـــــــــــــــــــده وبتلاقونها بويهكم

هاذي الصورة واحنا نشمي بالطريج

ويوم وصلنا لقينا بويهنا بحيرة حلوة فيها بط

وعيزت وانا اركض ورا البط ابي اصورهم .. بس مالت كل ساعة يشردون عني 

واهني يوم فقدت الامل . جفت بطه سرحانه جان امشي بالعدااااااااااال وصورتها من قفاها

وبعدين كوعنا يمين وكملنا طريجنا

وطول الطريج وانا احس كأني امشي بغابة .. بس عالعموم طبيعتهم واااايد حلوة

ووصلنا لي بحيرة ثانية فيها قوارب وبط وو مطعم وألعاب لليهال ... إلخ

وهاذي الصور الي صورتها للمكان

 

 

 

وقعدنا بالحديقة ليـــــــــــن بدا يظلم الوقت علينا .. ورجعنا الفندق

وإن شاء الله بكمل لكم بالبلوق الثاني

وقبل ما نروح للبلوق الثاني .. ابي منكم طلب صغيــروون

وهو انكم ترشحوني اذا عجبكم السبيس