قلب طفله's profileعـــالم بلا حدودPhotosBlogListsMore  |  Tools Help |
عـــالم بلا حدودالبحر, الشعر, الخيل, المطر والأحلام... هذا هو عالمي |
||||||||||
|
June 01 فارس أحلامي ...فارس أحلامي..
هو شريك حياتي..
اللي أنتظره على أحر من الجمر..
الشريك اللي يحمل نسخة من رجولة مهدي << هذا اذا في بالدنيا مثل رجولته..
ويحمل من عز وشموخ وقوة مهدي..
وأكيد من طيبته وحبه ورومانسيته..
ووسامته وابتسامته وجمال نظرته..
وما أنسى..
شاعريته..
هذا مو مدح بمهدي.. لأ
هذا اللي أمنيتي أشوفه بشريك حياتي..
هاذي هي مواصفات.. فارس أحلامي
أحلامي.. May 31 حلم من أحلامي ...حلم يوم الجمعة.. يعني أمس..
حلمت اني بمزرعة..
كأنها بمصر.. لأن المزارعين كانوا صعايدة..
شفتهم ماسكين خيل..
علطول رحت ركضت عنده..
مسكته ومسحت عليه..
بعدين قلتلهم أبي أركبه.. وسمحولي..
ركبت.. بالبداية كنت خايفة..
جات بنت من اللي بالمزرعة كانت تتدرب على خيلها..
وركبت وراي..
وبدا الخيل يركض فينا..
قربنا عند سور المزرعة كنت متوقعة انها تخفف أو تلف..
كنت خايفة شوي..
بعدها وفجأة.. قفز الخيل من فوق السور..
حسيت باحساس غريب.. خوف وفرحة بنفس الوقت..
المهم بعدها كملنا لين قربنا من طريق..
ماوقفنا نقطعه ركض الخيل أسرع وقفز فوق الناس والطريق..
وأنا طبعا كنت مبسوطة حدي..
وبعده بشوي طلع قدامنا نهر.. شكله نهر النيل..
ماتوقعت يقفز فوقه..
بس قفز ومو أي قفزه..
حسيت نفسي طايرة بالسما..
وطوّلنا واحنا بالسما طايرين..
بعدها خلاص صحيت للأسف..
بس حتى يوم صحيت كنت حاسة نفسي طايرة..
يوم استوعبت الوضع..
رجعت أحاول أنام بالقوة أبي أكمل الحلم..
ماشبعت..
كانت رحلة حلوة مررره..
أتمنى تنعاد..
أتمنى تصير حقيقة..
ياااااااااه..
يارب حققلي حلمي..
أحلامي.. May 29 مشاركتي همومي.. هل ستكون ثقيلة عليكم؟؟May 22 أحداث هذا اليوم ...أول شي..
طلعنا تغدينا برا..
كان سي فوود بس ماعجبني..
ماعدا طبق المقبلات كان حلو..
طبعا لأن أنا اللي طلبته..
بعده مرينا عالكورنيش..
وشفت البحر..
كان مبسووط مرره..
سألته ايش اللي مفرحه لهالدرجة..
جاوبني وقال..
انه فرحان لفرحي..
وقالي طول ما أنا فرحانة ومبسوطة..
راح يكون فرحان ومبسوط..
وماخبي عليكم..
أول ماشفته..
طار قلبي..
وراح يضم أمواجه..
ويسلم على سمكاته..
كلهم كانوا مشتاقينلي حيل..
جلس البحر طول الطريق وهو يحلف على قلبي يتقهوى عنده..
بس للأسف قلبي اعتذر..
لأنه لازم يرجع معاي..
مستحيل يخليني بروحي..
وعدته اني أرجع بكره..
وأجلس معاه مو أقل من ساعة..
لأن عندي كلام كثييييييير لازم أقوله اياه..
الأمواج والسمكات ودعتني بآخر الطريق..
وهي تتراقص وتغني..
بأعذب الألحان..
وكانت فرحتها مخلوطة..
بشوية حزن على فراقي..
شفت بعيونهم الفرحة والدمعه..
ومنها وأنا أستنى بكره يجي..
بقابل البحر وسمكاته وأمواجه..
بقول كل شي صارلي هالأسبوع..
وبحاول أوصله حجم شوقي له..
بس مو عارفة كيف أحسسه..
بحجم حبي له..
اللي قاعد يزيد يوم عن يوم..
لو كان انسان..
كنت قلتله..
أحبك قد البحر..
بس هو البحر بذاته..
ايش في بهالدنيا..
أحلى وأعظم منه!!..؟
ياحبي لك يابحر..
أحبك..
أحبـــــــــك..
أحبـــــــــــــــــــــــــك..
أحبك يابحر..
خربشاتي.. May 18 آآآآآه يادنيتي ...آآآه .. آآآآآآآآآه..
تعب قلبي وهو يحلم ببكرة..
كل يوم يمر علي..
أقول..
اليوم عدّا..
ان شاء الله بكره يكون أحسن..
وجا بكره..
بس أسوأ من أمس..
ليش الحياة كذا..
ليش دايما تحسسني..
بإنها كريهة..
وممله..
ضايقة فيني دنيتي..
مو عارفة شسوي..
نفسي أفضفض عن اللي بداخلي..
بس مو عارفة..
اليوم من قد ماني مخنوقه..
طلعت من المحاضرة ومارجعت إلا بآخرها..
حتى الدكتورة..
زعلت علي..
اعتذرت لها بس احسها ماقتنعت..
أكيد ماراح تقتنع..
شدراها عن اللي يدور بداخلي..
لها الظاهر وبس..
آآآآآآآه..
آآآآآآآآآآآآآآآآآه..
لو أقول الآه من اليوم لبكره..
ماريحتني..
يارب صبرني..
خربشاتي.. May 16 سوييــتس ...EAT SWEETS BE HAPPY!
جملة قرأتها وعجبتني..
بس..
طول عمري وأنا آكل سوييتس..
 لحد ما صرت أنا سوييت..بس..
BE HAPPY!!
هاذي اللي ماصارت..
لأني..
ما آكل سويتس وشوكليت بالذات..
إلا لما أكون زعلانة..
أو متضايقة ومهمومه..
صحيح تهديني..
وتريح أعصابي..
ممكن تساعدني..
عشان أبكي..
بس ماتفرحني..!! EAT SWEETS BE HAPPY!
هالجملة ممكن أقول انها صحيحة..
في حالة وحده بس..
اذا تحققت أمنيتي..
و رجعت بيبي..
خربشاتي.. تساؤلات عن الحياة ...الحياة كلمة من حرفين..
يعني..
الحياة..
ح..
ب..
طيب..
ليش يقولون..
انه مجرد أوهام..؟؟
ليش يقولون..
انه وهم يعيشه الناس ويحاولون ان يجعلو منه حقيقة يعيشونها..؟؟
الحياة مالها طعم..
ولا لون..
بدون حب..
وبدون حنان..
كيف يتجرأون..
ويقولون عنها أوهام..؟؟
بوح قلمي.. May 07 أعرفكم بنفسي ...أنا من الشرقية
عندي ثلاث صديقات زي العسل صفاتي..
حساسة وعاطفية حنونة ومسالمة
بس عصبية وعنيدة أبوي يشوفني معقدة معظم الناس يقولون عني هادية مع اني مشاغبة أحب العزلة والخصوصية وأحب أسافر لعالم أحلامي
عشان كذا أحب الليل
وأعشق البحر والسحاب أكثر شي يفرحني.. المطر عمري ماكرهت ولا أعرف أكره أحب أسمع شعر بالذات لشاعري الغالي مهدي ال حيدر الوايلي أحب أقرا خواطر
وأتمنى أكتبها نفسي أروح فرنسا أو ايطاليا أحب الشوكليت موووت وبس
........... |
عندكم رأي..اقتراح..اضافة.. تفضلوا راسلوني من هنا
| ||||||||
ولا حد ينسى ياخذ الهدية