قاعده اكتب الحين وانا بالصاله قاعده اشوف مباراة هولندا وصربيا
بصراحه من رايي انها مباراة مليقه وماكو مستوى

بس لاحظت شي هالسنه
1- قناة الاي ار تي ( الباقه الرياضيه ) متوصيه بالمشاهدين
حاطين اكثر من قناة لمتابعة فعاليات كاس العالم
قناة للتعليق باللغة العربية
قناة للتعليق للغة الانجليزيه
قناة لعرض اجمل اللقطات وتسجيل ردود الجمهور
وجم قناة مادري شنو فايدتهم بصراحه لحد الحين

لكن فعلا متعة مع الاي ار تي انصح الي ما اشتركو انهم يشتركون ترى اكو وقت :)

ولاحظت شي ثاني بعد : الناس كاشتين بالانتخابات عشان كاس العالم!!؟؟

وبعد لاحظت شي ويمكن تكلموا عنه وايد من الاخوان الا وهو :
كثرة اللوحات الإعلانيه للمرشحين ؟؟؟
شدعوه يعني المرشح يحط الف لوحه ورا بعض جنه يقول للناس ترى انتو عميان وما تشوفون؟؟
لا وبالاخير اذا صار شوية هوا الا اللوحات طايره بنص الشارع ومسببه العديد من الحوادث عاد تعالوا دورو احد يشيلها
بتقولون شدعوه الله يعافي الثلاث سبعات بقولكم مع احتراماتي طططططللللللل
الاسبوع الي طاف صوب منطقة الري بنص الشارع المزدحم بالسيارات ولا طاااااااخ بريك قوي من السايق المسكين بغيت اهاوشه لكن ششوف
غنفه طايحه بنص الشارع؟؟؟؟
بصراحه الله ستر بغت تسبب حوادث للناس انا يوم شفتها قلت خل اتصل على ثلاث سبعات تسس تشيلها لكن ؟؟؟؟؟؟؟؟؟
اتصلت تقريبا 10 مرات لكن محد يرد؟؟؟
هههه يمكن الشباب يلعبون سوني ولا كوت مالهم خلق

لا تعليق بصراحه


بالنهايه ما اقول الا هذي الكويت وصل على النبي :) :) :)

كل واحد فينا أكيد عنده هوايه
بعضنا والي يعتبر سعيد الحظ ( من وجهة نظري ) اكتشف هوايته وأبدع فيها وقدر بعد انه يخليها مصدر رزقه وعيشه
بعضنا مكتشف هوايته وخالص لكنه عيزان عن ممارستها او ما عنده وقت
وبعضنا تكون داخله هوايه لكنه ما اكتشفها او ما عطى نفسه فرصه عشان يكتشفها

تختلف الاسباب
لكن الاكيد ان الكل عنده هوايه

حاول عزيزي القارىء ان تكتشف نقاط الابداع فيك صدقني راح تحس ان حياتك لها هدف

بالنسبه لي عندي العديد من الهوايات مثل :
النت وتصميم المواقع - الفديو جيم ( من زمان عنها ) - الرياضه
وأي شي في عالم الديجتال و - التصوير
هواية التصوير راح اوقف عندها شوي
أحب هالهوايه لكن للاسف بالفتره الي طافت ماكان عندي وقت كلش امارس فيه شي
بس اتامل خير بهالعطله
عموما الي يحب يشوف انتاجي يتفضل هني
http://flickr.com/photos/cuteya/

ههه يحليلي اظبطكم بالدعايات