 | | |
| | |
|
Spaces home  Live Your life ...PhotosProfileFriendsMore |  Tools   |
Live Your life ...♥..ஐღ JOreia ღஐ..♥
October 16 Freegالمسلسل الي خطف الانظار كل الانظار الفريج اول مسلسل كرتون خليجي بكولتي عالمي الكل يسمع ويقرى عن الفريج والكل يتمنى يعرف اكثر عن هذا المسلسل الي اقل ما يقال عنه انه شغل متعوب عليه اذا كنا نبي نعرف من هو الرجل رقم 1 وراء هذا العمل فهو بختصار محمد سعيد حارب  محمد بدى فكرة الفريج برسوم على ورق طورها مع الايام الى 3d مع التعامل مع احدى شركات الانيميشون هذي بعض صور الفريج ايام التطوير يوم بعد يوم شوفو الشخصيات         ونرجع نقول لمحمد يعطيك الف عافيه و ننتظر اعمالك الجايه
تحياتي اخوكم Oxy Mangol ________| فـريـج // F r e e j |_________ .. أول سلسلة رسوم متحركة إماراتية باللهجة المحلية ..  تروي هذه القصة أربع سيدات يعشن في حي شعبي صغير يقع على أطراف مدينة دبي .. ويتذكرن جمالهن وحبهن الذي ذهب مع الزمن والايام .. وتعالج هذه السلسلة الموجهة للعائلة مواضيع تهم كافة الأعمار .. وذلك في سياق كوميدي فريد يتضح من خلاله تهكم السيدات الأربع وذكائهن الحاد =) .. " وعند العيايز كل شي جايز " ^__*  ملاحظه : ام خماس " الخضره "  ام سلون " البنفسجيه "  ام علاوي " الصفره "  ام سعيد " الحمره "  الدعايه : http://www.freej.ae/ September 29 بعد انقاطع... جورية بعد انقطاع ... مشـتاقة لكم حيـل حـيل حـيل ..
مشتاقه حق السبيس حيل حيل حيل .. السبيس تغير حيل حيل حيل .. تغيرت أنا حيل حيل حيل .. وهم مشتاقه لكم حيل حيل حيل .. شكرا لكل من سأل عن جوريه شكر كبير حيل حيل حيل .. ودي أكتب وايد أشياءات صارت لي بهالفتره
بس لو اكتبها ما راح اخلص .. أشياء خاصه في جوريه .. وأشياء ممكن أتكلم عنها .. بس مو عارفه شلون أفرغ الي فيني
قاعده اطالع الشاشه !! وأطالع الكيبورد !! وأطالع أصابعي !! أنطر أصابعي تكتب شي أبي أشوف شنو راح أقرى !! طلع معاي خرابيط مالها أول !! استحيت ومسحتها !! بشوف شيطلع معاي هالمره برب نطروني ..!! دموعي .. اسمي .. احساسي .. غلاوي ماتت .. سمبتيكه .. فهود .. وزارة .. مستشفى .. ألمانيا .. آخر يوم .. المرأه.. عرس .. المنحة .. الكهرباء .. الدنيا .. البحر .. الموت .. بنج .. حياتي .. اخوي .. مريضه .. أحبك .. رمضان .. عزيمه .. جامعه .. كاكاو .. سبيسي .. دي جي .. اعتصام .. نزغه.. تشارجر .. غبقة .. ازدحام .. كحل .. هوشة .. دكتوره .. شرمبي .. ليزر .. جابرية .. فيلكر .. عياده .. محاسب .. صلاة .. نحاسة .. مرض .. دمي .. دوامي ..
كل كلمه لها سالفة !! هذي سوالفي اليوم !! ... جورية بعد انقطاع ... مبـارك عليكم الشـهر وعساكم من عواده ..
هل علينا الشهر الفضيل وهلت خيراته معاه ..
واحلى شي بالشهر توقيت الدوامات ..
من الساعه 9:15 لي الساعه 1:15
حلووووووو اربع ساعات بس :)
بس مشكلتي ليش اوووصل البيت الساعه 2:30 !!؟؟؟؟
مع انه مافي مسافه بين الدوام والبيت !!؟
تتوقعون اشمنه ؟
 Note: ترى بايقه الصوره
... جورية بعد انقطاع ... .. عفيه جيكوو على حلوج عيالنا امانه مو يبيلهم طق ..
     ... جورية بعد انقطاع ... هالمسـجات عندي بموبايلي من سنين ..
احب أحتفظ فيهم بتواريخهم استمتعو معاي بكلماتهم امضيت فتره أفكر فيك اشوف وضعك واحوالك واتلمس ا لي غدا يرضيك وأوعي طموحك
وآمالك أتجنب الصح لو كان يؤذيك وأخطي اذا كان
يهنالك لكن العكس الي أعطيك سقيتني سم بفعالك أبي أكتب رسالة شوق تهز بكل معانيها
أبيها تدخل بقلبك وتوشم أسم راعيها
أبيها تبقى لك ذكرى ولا تنسى طواريها
أبي أكتب وانت تقرى حلو ومر لياليها
وتذكر فيها أنسان يحبك ويذكرك فيها
أبي أغيض برد الشتا وانا بحضنك حبيبي
لا معطف يدقيني ولا نار ولا حطب
أبي يدفا فيني برد الضلوع أبي أتنفس البرد بخشوغ
أبي أعلمه بعد ياريت فصله يطول
لجل أبقى بأحضانه على طول
مابي حب ولا أبي غيره أبي موقف أبي كلمه تهز أوطان
أبي انسان اذا طحت من طولي يفز ويسند حولي
يحس فيني قبل لا أشكي يواسيني قبل لا أبكي
ومن قلبه اذا حنيت ألاقي بداخله أحضان !!
دخيل الله أبي أنسان
February 27 Back >>< بـاك >
22 - 26 \ 02 \ 2006 كويت - مكه - مدينه كويت أول مره أعتمر ،، وأول مره أسافر بسياره
وآآآآآآآآآآآآآآآآآآآآآآآآآآآآآآآآآآآآآآآآآآآآخر مره بإذن الله .. صج كان تعب لكـن كانت من أحلى السفرات في حيـاتي
صج سافرنا مع حمله (( باص )) لكن القروب الي معانا خله الرحله ممتعه لأبعد الحدود أغلبيه المسافرين في الباص من أهلنــا ،، وتعرفنا على الي معانا وصارنا أهل أهل أهل ،، الساعه: 12 الظهر حركت السياره من حولي ووصلنا تقريبا الساعه 1.30 الظهر الى حدود الكويت
- أول مره أدري انه الكويت كـبيره - وصلنا جوازات السالمي وخلصنـا شغلنا بسـرعه الحمدالله ،،
 وصلنا جوازات السعوديه ولا أمة لاإله الا الله !!
الازدحام شي مو طـبيعي !! وقفنـا من الساعه 2 الظهر الى الساعه 7 المغرب !!  كرم الله القاري ،،
لوحات الحمام كانت تحفه ،، حمامات الرجال على صورة رجل حاط قفل .. وحمامات النسـاء على صورة مره لابسه عباة ..   طبعا المشي كان بليل وكنت خايفه لدرجه الرعب ،، الكل نايم إلا انا قاعده !! وهذي حالتي بطول السفر بليل ما أنام وبعد الصلاة اغفي ربع ساعه !! سبحان الله ،،
وصلنا ميقات ،، الكل لبس احرامه وركبنا السياره وانطلقنا الى مكــه ،، سبحان الله ،، أنا حسبالي انه بيت الله بس الي بوادي وحاواليه الجبال !! لكن الي شفته شي مو عجيب الجبال بكل مكان وألوانهم تشوق ،، سبحان الله مكـه محفوظه بشكل رهيب ،،  دخلنا الحرم واعتمرنا ولله الحمد ،،
  ردينا الفندق ،، تعب : ارهاق : إندور وين السرير ؟؟  هدوء طاغي الفندق  قعدت الصبح احس جني قاعده امشـي على تفافيخ ماي !!!
اريولي ورمت !! وظهري مقصوص قص !! وارقبتي تذبحني !! فجيت الجنطه ولا اشحلات ملابسـي مسفطين عدل بس رطبين !! أطالع من وين يالهم الماء !! أطالع ولا بطل زيت جسم مو صاكته عدل !! ولاعب بملابسي لعب !!!!!!! المهم راحوو للغسـيل ،،  قعدت انا أحوورف بعمري على ما توصل ملابسي
ما بقى كريم حمايه ما بقى شي ما لطخته :)  نزلنا صلينا جم ركعه ودعيت جم دعوة من الألب ،، :)
وطلعنا نتمشى ،، الحمام يهبلوووووووون ،، بكل مكان حماام ،، بس يخوفوون !! تييلك حمامه مستنــــــــــــــــــه جنها بتشيل ويهك // :)  في شياب يبيعون شعيــر ،، يعوروون القلب  وفي فقارا من جنوب افريقيا ،، يضحكوني يقولون إشتري شعير حرام شوفي حمامه مسكينه ،، والحمام طااااااااااااااااااافح شعير ،، من هاليهال ،، :) وانا قاعده اتمشى شفت سيكـل اشتهيت اركبه ،، طبعا ما خليتها بقلبي ركبته وركبت اليهال معاي ،، :)  باليوم الثاني ،، تريقنـا بالفندق ،، ولفت نظري شي أمووووووووووت عليه ،، وفاقدته صارلي جم شهــر ،،  جهزنا أغراضنا وانطلقنـا الى المدينه الساعه 10 الصبح
صلينا في المسجد النبوي ،،
الناس صلوو صلاة العشى والباص ما وصل !!!
وحنا واقفين ،، وقت الصلاة كل شي يسكر ،،  عاد احنا واقفين ننطر واول ما خلصت الصلاة
جان يطلع واحد من اللممر كان منخش ويركض ،، جان أجكه واصوره ،، :)  وصل الباص ومسكنا الطريج الى الكـويت
 بعدين أفصلوو شباب الباص على نكت الملاقه ،،
وبدينــا بلعبه (( شنو الي )) طبعا هاللعبه من الملل اطلعت :) ردينـا الكـويت الساعه 12 الظهر ،،
والاهل ناطرينا بالكاكاو
إإإإإي صج عجبني بوستر على دليل الهاتف بالفندق ،، خووووووووش ديزاين ،، ;)  February 22 مع السلامهقبل لا أسافر قلت خل احط بلوق ،،
قاعده اتمشى بالمنتديات جان يلفت نظري موضوع ؟
كيف تستخرجين كلمات الحب من فم زوجك ؟
عجبني ،،
-------------------
ضعي كلمات الحب في أذن زوجك ، حتى يتعلم كيف ينطقها .. واطبعي كلمات الحب أمام ناظريه ، حتى يعرف متى يستخدمها ، ودعيه يشعر بالألفة مع تعابيرك العاطفية ..
مثال على ذلك : احرصي دائماً على ترديد كلمة ( أحبك ) على مسمع زوجك بين الفينة والأخرى ، واسأليه بعدها هل هو أيضاً يحبك ؟ ولا تقبلي أن تكون إجابته بهز الرأس أو الإيماء ، وإنما حاولي أن تستخرجيها من فمه قدر المستطاع حتى يتتدرب ويعتاد لسانه على نطقها .. ولا تطمعي حتى يقول ما تتطلعين إليه بشكل كامل ، ولا تيأسي من محاولاتك واصبري عليه ؛ لأن الرجل يتعلم منذ طفولته كيف يخفي عواطفه خلف مظهر هادي وصامت ، حتى يعطيه صورة الرجل الحقيقي في نظره !! . مثال آخر : قومي بكتابة بعض الكلمات الجميلة ذات المعاني النبيلة والتي تثير انتباه الزوج ، وتختلف هذه الكلمات بحسب حالة الرجل ، مثل كلمة : ( أحبك .. حياتي .. عمري .. روحي .. مشتاقة لك .. فديتك .. تصبح على خير .. صباح الخير .. ) إلى غيرها من الكلمات التي تسري في النفس البشرية ، وتعمل في قلوب وأحاسيس الرجال العجائب .. وبعد كتابتها قومي بوضعها على فراش زوجك ، أو على مكتبه في البيت أو في درج السيارة ، أو في أي مكان ترينه مناسباً .. بشرط أن يكون في مكان يثير انتباهه .. بعض الزوجات المبدعات في حياتهن الزوجية ، يحرصن على أن لا تغيب هذه الكلمات عن نظر زوجها ، وخاصة حينما يكون في البيت .. فتستغل كل وسيلة ممكنة للتعبير عما في خلجات نفسها من عواطف جياشة لزوجها .. فتقوم بكتابة بعض الكلمات أو العبارات الجميلة الرقيقة في أماكن لا تخطر على بال أحد .. مثلاً : تقوم بكتابة كلمة ( صباح الخير .. أو سأشتاق إليك ) بأحمر الشفاه – حتى يسهل تنظيفه - على زجاج المرآة التي يستخدمها الزوج في الصباح ، في أثناء استعداده للذهاب إلى العمل .. أو أن تقوم باستغلال شاشة التوقف الخاصة بالحاسب الألى الخاص بالزوج ، وتقومي بكتابه ما تريدين من كلمات في المكان الخاص بها .. وحينما يقوم الزوج بتشغيل الجهاز ليقوم بعمله ، قد يتركه لبعض الوقت فتظهر شاشة التوقف و يقرأ ما سطرته أنامك الرقيقة من كلمات .. ----------------------------
موضوع آآخر أيضا ؟
كـيف تكونين دلوعه ؟!!
قلت اي هالسوالف انعرفها ههههههههه
اقرووو معاي // بس امبيه جد الي تسوي هالحركات تكون قمة الهبال ،،
---------------
.لا تلمين شعرك ابدااااا بل دعيه يسترسل(( ابوك ياللغة والفحي به يمنة ويسره بدلال )) ولي شعرها لو أمشاط من حديد ما تنفع معاه مالكم إلا التمليس وأنتم أبخص..
2.اذا كنتي وسط مجموعة بنات او في عزيمة تكلمي بصوت منخفض جداً يعني أخفضيه لاقصي حد وتكلمي ببطأ شديد ورقة وبنعومة ومططي الكلام قد ماتقدرين .. (( مو تجلسين تصارخين وانتي تسولفين )) 3.اجلسي على طرف الكرسي وحطي رجل على رجل... ((يااااهوووة على الدلع )) 4.اذا احد قال كلمة شعبية عندك حتى لو تعرفينها ابتسمي وقولي ايش؟ مافهمت ((علشاان تسوين نفسك كشخة ومااايحتاااج)) 5.اذا احد قال شي يضحك اضحكي بنعومه هكذا ههههههه مو وانتي تضحكين كذا خخخخخخخ ((لأنو مو جالسين بقهوة ... )) 6.سبلي عيونك وحركي رموشك كثير وحاولي كثير تطالعين السقف..(( ياعيني على الحركاااات )) 7.لا تفتحين فمك كأنك عند طبيب اسنان وانتي تاكلين وخاصة العلك والاحسن انك ماتاكلين علك.. ((ههههه اما هذي مستحيل بنت ماتعلق علك )) 7.اذا جات حاجة تطير حشرررة مثلاً او تزحف برضووو حشرة بس متعرضة لمحاولة اغتيال..(( اصررررخي واركضي ولا يردك غير سطح اصحاب البيت)) 8.في المدرسة لا تجلسين تراكضين بين الاسياب وتلاحقين البنات تسحبين شعر هذي وتدغدغين هذي امشي بهدوء وعند المقصف لا تزاحمين اذا زحمة اوقفي بعيد لحد ماتخف الزحمة بعدها اشتري واكيد مارح تلاقين سندويتشات بتخلص 9. من ناحية اللبس البسي كلشي عليه صور دببه وقطط وارانب واشكال والوان... واهم شي روحي محل اكسسوارت واشتري كل الكلبسات والشباصات الصغيرة وصفيها على شعرك يومياً.....(( حشاا مو شعر كراسة رسم صاار)) 10. لازم على طول تشترين دباديب وفواحات وقلوب وصور اطفال وحركتااات وكثري من الاشياء الغربية... 11.طبعاً لازم تقولين انك ماتطبخين ولا ترتبين حتى غرفة نومك (( ايه مسوية بنووتة ودلووعة وماتسووي حاجة ابد كل اللي تسويينه ماااري تعالي وماااري شووفي )) ملاحظة : لا تطبقون النصايح هذي وأنتم في البيت يعني طبقوها برة البيت مو داخل لأن آبائكم راح يهفونكم ذاك لطراق يخليكم تقولون السين شين ********
-------------
موضوع عجبني وضحكت على طريقة طرحة من سايت عذوب
عليج سوالف عذوووبه ،، مشكوره
-------------
ستة أشهر و أكثر لم ترها عيناي ستة أشهر و أكثر لم ألمسها بيداي ستة أشهر و أكثر لم أشتم رائحتها الزكية
لم أعرف معنى اللذة إلا بلقياها تلك المخلوقة التي جعلتني أنثر حروف الحب و الاشتياق من أجلها تلك الجميلة التي قابلتها بالأمس فأعادت إلى شفتاي الابتسامة و إلى قلبي البهجة و إلى روحي ذكريات بلادي السعيدة
بلا ميعاد إلتقينا و ااتفقنا على أن نلتقي بالمساء لنتقاسم معا أحلى الذكريات
هل عرفتموها ؟
إنها
أنها
الزبيــــديـــــة
زبيديتي اشتقت لك يا حبيبتي
ردت روحي يوم كليتها ^_^ February 09 Happy birthday to MEمشتاقه حق السبيس وزوااري وويه من زمان ما تطمشت على سبيسات يديده
كله من هالامتحانات وبلاويه واخرها شكلي بييب دويحه - شخباري -
8 \ 2
لا تعليق
منار الكويت الاكترونيه
احب هالبنت مشالله عليها اخلاق وأدب وثقافه مرتنا الجامعه جان اصور معاها
صور و صور وصور حركات البر
من الوناسه الواحد ما يدري شسوي
مستانسين بميلادي
خوش حجي حبيته على الكيبورد
على فكـره السبيسات صايره تعلق معاي ما ادري شسوي بعمري :( سـاد ساينت كويـــتي انتهيتي يا حقيـره بيونه مرمر كوفي مس نونه بنكية
ما قدر ادش سبيساتكم :(
January 25 <<
من بعد فراق أمير القلوب افتريت ببعض المنتديات فرحت فرحة ما تتصورنها لقيت وايد من بعض الاعضـاء الخليجيين ضايفينفي تواقيعهم صور الـشيخ جابر - الله يرحمة - حبك يا أمير القلوب مو مقتصر بس على شعبك الحب عايم على كل العالم الله يرحمك يا أبو الكـويت
كلب بالجامعه
اي اي جلب بالجامعه - عزكم الله - مستغربين يعني ولا مستغربين !! عادية السالفة ترى
لا تقولون شلون صورتيه !! فدائية صايره
شطارة زايدة عشتاااو
بالويك اند هذا رحنـا المخيم ،، بس حسـافه ما كان فيه مغامرات بس تعرفون حبيبة الشعب جورية من زود الشطاره تدرس بالسيارة !!!!
6 كابات
ويومها كان بررررررررد !! دفينا عيالنا بطريقتنا الخاصه ،،
للمرة الثانيه
الفلاش ميموري ما يطلع من جنطتي ودايما استخدمة بالجامعه ولما احفظ شغلي علية وارجع البيت أذكر اني ما شلتة من الجهاز :( وطبعا هالشغله للمرة الثانية تصير فيني !! ياااربي متى أفتك منه هالنسيان
January 15 راح الغاليورحل أمير القـلوب بقلوب مطمئنه نودع أميـرنا بدعـاء من القلب
اللهم أن عبدك "جابر الأحمد" قد قبضت روحه وأنامن رعيته ، وأنا أشهدك اني لا أطلبه شيئا ، وأن كان لي حق عنده فقد حللته وأبحته اللهم تجاوز عنه وأجعل الفردوس داره .أرجو أرسالها مأجورا فإنه أحوج مايكون لهذه.
ياربي والله اني مصدموه // ليما الحين مو مستوعبه راح الغالي !! قلبي يعورني احس ضاع الحبيب !! آآآه يا قلبي الله يصبر قلوبكم يا عيـال الكـويت النـاس متيمعينن عند قصر دسمان وأشكالهم تعور القلب والله
فيديو يعور القلب والله http://www.algbgb.net/q82d/JaberalAhmad.rm
هذا دعاء العفاسي
- وصول الشيخ صباح من إجازته الخاصة - فيديو - وصول موكب جنازة الفقيد الى مثواه الأخير - فيديو - صور حصرية من مقبرة الصليبيخات جديد - فيديو حصري من مقبرة الصليبيخات جديد - تعازي الحكومات و المنظمات الدولية - أمير القلوب - فيديو 1 | |||
Profile
Blog
Photos
Lists
Music
Friends
